暑假玩完变老马 九千万买个肥仔恩
今夏其中一单最具份量嘅转会，祖云达斯以9,000万欧元转会费收购拿玻里嘅阿根廷前锋希古恩肯定有份。唔止单转会，原来连希古恩都系份量十足，佢喺周日祖云达斯作客3:2赢韦斯咸场热身赛，首次代表祖云达斯上阵，完全未收身，身形似足之前马勒当拿典型啤酒肚嘅肥佬咁。
祖记处子战冇表现
祖记畀9,000万欧元直接买断希古恩同拿玻里份合约，外界唔少声音都指希古恩冇道义，亦有唔少声音质疑呢位阿根廷前锋值唔值呢个价，美斯连续三年都喺国际大赛决赛屈居亚军，三场决赛希古恩都有浪费过唔少埋门黄金机会。
今夏踢国际赛加上之前搞转会，令希古恩到周日先至首次可以喺热身赛候命。希古恩喺下半场先入替上阵，不过贡献就冇乜，反而祖记另外三位前锋就人人有波入，保罗戴巴拿同文迪苏杰喺上半场各入一球，之后韦斯咸由中锋安祖卡路尔连入两球扳平，到完场前五分钟，祖记由「鸭仔步12码王」施蒙尼沙萨绝杀赢3:2。
祖记喺意甲揭幕战会对费伦天拿，呢场波到20号先开波，希古恩都仲有少少时间去操番fit嘅。
mk体育官网登录入口
阿根廷人憎到佢死
希古恩喺上季意甲入成36球，相信佢操番起状态之后，好快就会得到祖云达斯球迷嘅支持。不过佢喺祖家阿根廷嘅受欢迎程度睇怕就几难由谷底反弹，之前话希古恩喺14年世杯决赛，同埋之后连续两年美洲国家杯都错失入球黄金机会，阿根廷人似乎憎到佢死，最近有公司出咗个游戏app「Pipita（希古恩绰号小烟枪） on Fire」，玩家可以喺呢个简单游戏度控制希古恩射入番嗰啲应该入但现实世界冇入到嘅入球，多少填补下心灵创伤喎。